Мерекелік дастархан. Тамақтан уланып қалмау үшін не істеу қажет

Жаңа жылдық мерекелер қарсаңында жұқпалы аурулардың, сапасыз тамақ өнімдерін тұтынумен байланысты тамақтан уланудың туындау және таралу қаупі артатынын атап өту қажет, деп хабарлайды BAQ.KZ.

Өйткені жаңа жылдық мерекелердің қарсаңында және басталуымен әр үй шаруасындағы әйел мерекелік дастарханды әр түрлі үй тағамдарымен, салаттармен, деликатестермен көркейтуге тырысады, егер олар дұрыс сақталмаса, тамақтан улануды тудыруы мүмкін.

Сондай-ақ көптеген қоғамдық тамақтандыру кәсіпорындарында (дәмханалар, мейрамханалар) жаңа жылдық корпоративтік кештер, түрлі мерекелер өтеді, онда көп жемістер мен көкөністер, әр түрлі дайын тағамдар, қайнатылған ет, көп компонентті салаттар, оның ішінде үйде дайындалған консервілер қолданылады, бірақ бұған қатаң тыйым салынған.

Осыған байланысты, тамақтан уланудың алдын алу мақсатында кәсіпкерлерге мынадай талаптарды сақтау ұсынылады:

1) қызмет басталғанға дейін рұқсат құжатын (объектінің сәйкестігі туралы санитариялық-эпидемиологиялық қорытынды немесе егер объект болмашы эпидемиологиялық мәнге жататын болса, қызметтің басталуы туралы хабарлама) алу;

2) нормативтік және техникалық құжаттаманың талаптарына және олардың қауіпсіздігін растайтын құжаттарға сәйкес жарамды, таза ыдыста азық-түлік шикізаты мен тамақ өнімдерін ұйымға қабылдау. Азық-түлік өнімдерін сақтау шарттарын, жарамдылық мерзімдерін, тауарлық көршілікке қойылатын талаптарды орындай отырып сақтау;

3) тағам ассортиментінің қолда бар үй-жайлар жиынтығына, технологиялық және тоңазытқыш жабдыққа сәйкестігі. Технологиялық процестердің ағымын қатаң сақтай отырып, тағамдарды, аспаздық және кондитерлік өнімдерді дайындау;

4) объектіні технологиялық және тоңазытқыш жабдықпен, мүкәммалмен, ыдыспен жеткілікті мөлшерде жарақтандыру. Таңбалай отырып, әрбір цехқа турау мүкәммалын бекіту;

5) медициналық тексеруден және гигиеналық оқытудан өткен жеке медициналық кітапшасы болған кезде ғана адамдарды жұмысқа қабылдау, қызметкерлердің жеке гигиена қағидаларын сақтауы, жұқпалы ауру белгілері бар, сондай-ақ қолында кесілген жерлері, күйіктері бар қызметкерлерді жұмысқа жібермеу;

6) қоғамдық тамақтандыру объектісінің барлық үй-жайларында ағымдағы жинауды (тұрақты, уақтылы және қажеттілігіне қарай), айына кемінде 1 рет -жалпы жинауды және дезинфекциялауды жүргізу. Өндірістік цехтарда жуу және дезинфекциялау құралдарын қолдана отырып, күн сайын ылғалды жинау жүргізу. Тұрақты дезинсекция, дератизация жүргізу;

7) объектіде өндірістік бақылауды ұйымдастыру және жүргізу.

Қоғамдық тамақтандыру кәсіпорындарында инфекциялық және инфекциялық емес аурулардың пайда болуы мен таралуын болдырмау үшін жүргізілуі қажет профилактикалық іс-шаралардың толық кешені Қазақстан Республикасы Денсаулық сақтау министрінің 2022 жылғы 17 ақпандағы № ҚР ДСМ-16 бұйрығымен бекітілген «Қоғамдық тамақтандыру объектілеріне қойылатын санитариялық-эпидемиологиялық талаптар» санитариялық қағидаларымен регламенттелген.

Ал халық үшін мыналар ұсынылады:

1) мейрамханалар мен дәмханаларды мұқият таңдау, өзіңіз барған не туыстарыңыз немесе достарыңыз ұсынған, жақсы беделге ие сенімді орындарға бару;

2) азық-түлік пен дайын тағамдарға қашықтан тапсырысты тек нақты жұмыс істейтін ұйымдарға беру керек. Тапсырыс бермес бұрын қоғамдық тамақтану кәсіпорнына бару, тағамдар мен қызмет көрсетуді бағалау, әкімшіден интернет-тапсырыстар үшін байланыс деректерін алу пайдалы;

3) рецептурасы термиялық өңдеуді, әсіресе теңіз өнімдерін термиялық өңдеуді көздемейтін тағамдарға тапсырыс беруден және тұтынудан бас тарту;

4) ешбір жағдайда тамақтану орындарынан әкелінген тағам қалдықтарын туыстарға бермеу;

5) рұқсат етілмеген сауда орындарынан тамақ өнімдерін сатып алмау;

6) қауіпсіз тамақ өнімдерін таңдау, ата-аналар тағамның балалардың жас ерекшеліктеріне сәйкес келуіне ерекше назар аударуы қажет;

7) үй жағдайында тамақ өнімдерін дайындау және сақтау шарттарын орындау.

Жоғарыда аталған санитариялық-эпидемиологиялық талаптарды сақтау және осы ұсынымдарды орындау тамақтан улануды болдырмауға және мерекелерді денсаулыққа зиян келтірместен өткізуге көмектеседі.