Мереке қарсаңында әйелдерге ақшалай сыйлық беріледі

Түрікменстан билігі халықаралық әйелдер күніне орай 60 манат (шамамен 17 доллар немесе 8500 теңге) көлемінде ақшалай сыйлық береді, деп хабарлайды BAQ.KZ тілшісі "Туркменистан сегодня" басылымына сілтеме жасап.

Сыйақы 1-6 наурыз аралығында төленеді және келесі санаттағы азаматтарға беріледі:

• Мемлекеттік және жеке мекемелерде жұмыс істейтін әйелдер;
• Зейнеткерлер мен әлеуметтік жәрдемақы алушылар;
• Барлық деңгейдегі білім алушылар (балабақшадан докторантураға дейін).

Президент қол қойған құжатта бұл шешім әйелдердің елдің дамуы мен өркендеуіне қосқан үлесін құрметтеу және ұлттық дәстүрді жалғастыру мақсатында қабылданғаны көрсетілген.

Түрікменстанда 8 наурызға арналған ақшалай сыйлық жыл сайын беріледі және оның мөлшері өзгермейді. Қазіргі уақытта 60 манатқа елде бірнеше келі пияз немесе бір келі ет сатып алуға болады.