Мемлекеттік құпияларды қорғау саласының мамандары біліктілігін жетілдіруде

Нұр-Сұлтан, BAQ.KZ. Радиоэлектроника және байланыс әскери-инженерлік институтында мемлекеттік құпияларды қорғау және ақпараттық қауіпсіздік саласындағы мамандарға біліктілікті арттыру курстары өткізілді, деп хабарлады қорғаныс министрлігінің баспасөз қызметі.

Сабақ барысында құпиялылық режимін ұйымдастыру және құпия іс қағаздарын жүргізу, ақпарат қауіпсіздігі мен киберқауіпсіздік сияқты бағыттар қамтылды.

Оқу зертханаларының базасында тыңдаушылар практикада әскери мақсаттағы қорғалатын ақпараттандыру объектілерінде қауіпсіздік шараларын әзірлеуді, енгізуді және қолдауды жүзеге асырды.

 Әскерлерді шешім қабылдау процестерін автоматтандыру құралдарымен жарақтандыру деңгейінің артуы, ведомстволық деректерді беру желілерін және бөлімшелер мен басқару органдарының жай ғана жергілікті есептеу желілерін енгізу мемлекеттік құпияларды қорғау және ақпараттық қауіпсіздік бөлімшелерінің мамандары меңгеруі тиіс дағдылар мен білімнің жаңа көкжиегін айқындайды, - деп атап өтті басқарма бастығы полковник Ольга Ермолаева.

Мемлекеттік құпияларды қорғау шараларын іске асыру және оларды жүргізу сапасы мемлекеттік органдар мамандарының осы саладағы білім деңгейіне, іскерлігіне және олардың сапалы дайындығына тікелей байланысты екені анық.

Біліктілікті арттыру курсы аяқталғаннан кейін мемлекеттік құпияларды қорғау және ақпараттық қауіпсіздік саласындағы 70-тен астам маманға тиісті сертификаттар табыс етілді.