Мемлекеттік қызметшілер киберқауіпсіздіктің онлайн-курсынан өтеді

Нұр-Сұлтан, BAQ.KZ. Қазақстан Республикасының Цифрлық даму, инновациялар және аэроғарыш өнеркәсібі министрлігі Cisco желілік академиясымен бірлесіп, мемлекеттік қызметшілер үшін онлайн оқу курстарын ұйымдастырып отыр.

Мұндағы басты мақсат - тыңдаушылардың ақпараттық қауіпсіздікке төнетін қауіп-қатерлерден  хабардар болу деңгейін арттыру.

"2019 жылғы 1 шілдеден 1 қазанға дейін Қазақстанның 20-дан астам мемлекеттік және 17 жергілікті атқарушы органдарының мемлекеттік қызметшілері тегін оқытылады.  5 аптаға есептелген оқыту бағдарламасы 5 бөліктен тұрады" - делінген министрлік таратқан хабарламада.

Cisco желілік академиясының оқу бағдарламасына қатысуға ниет білдіруші мемлекеттік қызметшілер бағдарлама сайтына кіріп, тіркеле алады. Қазақ тілінде оқушылар үшін, орыс тілінде оқушылар үшін арнайы тіркелу қажет.