Мемлекет басшысы ұлы Абайдың шығармашылығына арналған көрмеге барды

Қасым-Жомарт Тоқаев Өзбекстанға жасаған мемлекеттік сапарының аясында Ташкент қаласында өтіп жатқан «Абай. Бауырлас халықтар мұрасы» атты ұлы ақынның өмірі мен шығармашылығына арналған көрмеге барды, деп хабарлайды BAQ.KZ  Ақорданың баспасөз қызметіне сілтеме жасап. 

Бұл көрме – екі ел арасындағы достық пен бауырластық байланыстарды одан әрі нығайтуға бағытталған маңызды қадам.

«Абай. Бауырлас халықтардың мұрасы» атты көрмеде ұлы ақынның шығармашылығындағы Әлішер Науаидың рөлі, Абай өмірінің негізгі кезеңдері, Ә.Қастеев, О.Таңсықбаев, Е.Сидоркин, Н.Өтепбаев және тағы басқа суретшілердің туындыларындағы Абай туралы сюжеттер қамтылған.

Оған қоса, Абайдың «Жидебай-Бөрілі» мемлекеттік тарихи-мәдени және әдеби-мемориалдық қорық-музейінің 120-дан астам экспонаты қойылған.