Мемлекет басшысы Шавкат Мирзиёевпен телефон арқылы сөйлесті

17 Қараша 2021 2021, 14:23 794

Нұр-Сұлтан, BAQ.KZ. Әңгімелесу барысында мемлекеттер басшылары екіжақты күн тәртібіндегі барлық бағыт бойынша Қазақстан мен Өзбекстанның стратегиялық серіктестігін одан әрі дамыту мәселелері жөнінде пікір алмасты, деп хабарлады Ақорданың ресми сайты.

Кездесуде сауда-экономикалық ынтымақтастықты арттыруға, инвестициялық ықпалдастықты нығайтуға, сондай-ақ өнеркәсіп, машина жасау, көлік және логистика, ауыл шаруашылығы және басқа да салалардағы бірлескен жобаларды жүзеге асыруға басымдық берілді.

Қазақстан мен Өзбекстан арасындағы көпжақты қатынастарға тың серпін беру мақсатында тараптар Президент Шавкат Мирзиёевтің Қазақстанға мемлекеттік сапарын жыл соңына дейін ұйымдастыру жөнінде уағдаластыққа қол жеткізді.

Осыған байланысты екі елдің үкіметтеріне алдағы келіссөздердің жоғары деңгейде жүргізілуін қамтамасыз етуге тапсырма берілді.

Қысқа да нұсқа. Жазылыңыз telegram - ға

#мемлекет басшысы #Өзбекстан #телефон #Шавкат Мирзиёев

BAQ.KZ

Алдыңғы жаңалық

Елордада Pfizer вакцинасын салдырғандардың басым көпшілігі – балалар

Келесі жаңалық

Павлодар облысында колледжде оқитын қыз бен оқушы інісі зорланған

Өзгелердің жаңалығы