Мемлекет басшысы: Мектеп салу - Үкімет пен әкімдіктердің басты міндеті

Орта білімнің сапасы – табысты ұлт болудың тағы бір маңызды шарты. Президент ел халқына Жолдауында білім саласының мәселелеріне тоқталды, деп хабарлайды BAQ.KZ тілшісі.

Орта білімнің сапасы – табысты ұлт болудың тағы бір маңызды шарты. Әрбір оқушының білім алып, жан-жақты дамуы үшін қолайлы жағдай жасалуға тиіс. Сол үшін «Жайлы мектеп» ұлттық жобасы қолға алынды. Біз 2025 жылға дейін 800 мың баланың заманауи мектепте оқуына жағдай жасаймыз. Осылайша, апатты жағдайдағы және үш ауысыммен оқитын мектеп мәселесін толық шешеміз. Бұл ауыл және қала мектептерінің айырмашылығын едәуір азайтады. Жалпы, мектеп салу Үкімет және әкімдіктер үшін басты міндеттің бірі болуы керек, - деді Қасым-Жомарт Кемелұлы.