Мемлекет басшысы Әл-Фараби атындағы Қазақ ұлттық университетіне барды

Нұр-Сұлтан, BAQ.KZ. Қасым-Жомарт Тоқаев Жағдаяттық басқару орталығының жұмысымен, жоғары оқу орнының цифрлық технологияны енгізу жөніндегі жетістіктерімен, сондай-ақ, бизнес-құзыреттілікті дамыту кластерімен танысты. Бұл туралы Ақорданың баспасөз қызметі хабарлады. 

Мемлекет басшысы студенттік кампус аумағында орналасқан "Керемет" қызмет көрсету орталығын аралап көрді. Бұл орталық "бір терезе" қағидаты бойынша студенттер мен оқытушыларға 500-ден астам қызмет түрлерін ұсынады.