Мемлекет басшысы бірқатар елшіні ауыстырды

Нұр-Сұлтан, BAQ.KZ. Қазақстан президенті Қасым-Жомарт Тоқаевтың Жарлығымен Аркен Кеңесбекұлы Арыстанов ҚР Сингапур Республикасындағы Төтенше және Өкілетті Елшісі қызметіне тағайындалды, деп хабарлады Ақорданың баспасөз қызметі.

Сонымен қатар, Қазақстан президентінің Жарлықтарымен Үсен Әбдіқадырұлы Сүлеймен ҚР Сингапур Республикасындағы Төтенше және Өкілетті Елшісі қызметінен, ҚР Жаңа Зеландиядағы Төтенше және Өкілетті Елшісі қызметін қоса атқарудан, Болат Тұрарұлы Нүсіпов ҚР Германия Федеративтік Республикасындағы Төтенше және Өкілетті Елшісі қызметінен, Азамат Рахманқұлұлы Бердібай ҚР Иордан Хашимиттік Корольдігіндегі Төтенше және Өкілетті Елшісі қызметінен, ҚР Ирак Республикасындағы, Ливан Республикасындағы, Палестина Мемлекетіндегі Төтенше және Өкілетті Елшісі қызметін қоса атқарудан босатылды.