Мексиканың алғашқы әйел президенті ресми түрде қызметіне кірісті

Клаудия Шейнбаум ресми түрде Мексика президенті қызметіне кірісті, деп хабарлайды BAQ.KZ.

Шейнбаум – республиканың 200 жылдан астам тарихындағы тұңғыш әйел президенті. Ол 2 маусымда өткен президенттік сайлауда жеңіске жетті, бірақ ұлықтау рәсімі 1 қазанда Мехикодағы Сан-Лазаро заң шығару сарайында өтті.

Президент өзінің Х-тегі парақшасында сол күннің шежіресін анық жазды.

Ол әйелдер құқығын нығайтуға уәде беріп, Мексика шетелдік инвестиция үшін қауіпсіз жер болып қала беретініне сендірді.