Меккеге барар жолдағы көлік апаты: Біздің азаматтарымыз жоқ - СІМ

Меккеге барар жолда болған көлік оқиғасында зардап шеккендер арасында қазақстандық азаматтар жоқ, деп хабарлайды BAQ.KZ.

Саудия полициясының мәліметінше, зардап шеккендер арасында біздің азаматтарымыз жоқ, - деді Қазақстан Сыртқы істер министрлігінің ресми өкілі Айбек Смадияров.

Сауд Арабиясының оңтүстік-батысында жол-көлік оқиғасы салдарынан 20 адам қаза тапты.

Оқиға Асир әкімшілік ауданында болған. Апатқа тежегіштің істен шығуы себеп болған. Салдарынан автобус көпірдің аралығына соғылып, өртеніп кеткен.