Медсақтандыру: Өзін-өзі жұмыспен қамтыған қарағандылықтардан 12,3 млн теңгеден астам қаражат түсті
Нұр-Сұлтан, BAQ.KZ. Қарағанды облысының 11 мыңнан астам тұрғыны медициналық сақтандыру қорына бірыңғай жиынтық төлем (БЖТ) төлейді. Маусым айында олардан қорға 12,3 млн теңгеден астам қаражат түсті. Бұл туралы Медсақтандыру қорының Қарағанды филиалы баспасөз қызметі хабарлады.
БЖТ өзін-өзі жұмыспен қамтығандар үшін медициналық сақтандыру жүйесіне қатысудың ыңғайлы тәсілі болды. Ол бірден төрт міндетті төлемді қамтиды: жеке табыс салығы; әлеуметтік сақтандырудың мемлекеттік қорына әлеуметтік аударымдар; БЖЗҚ-ға зейнетақы төлемдері; әлеуметтік медициналық сақтандыру қорына аударымдар. Бұл ретте медициналық сақтандыру қорына төлем сомасының 40 пайызы түседі.
2021 жылы БЖТ облыстық және Республикалық маңызы бар қалаларда тұратындар үшін 1 АЕК (2 917 теңге) және басқа елді мекендердің тұрғындары үшін 0,5 АЕК (1 459 теңге) құрайды.
БЖТ ағымдағы айдың алғашқы күндерінде немесе жаңа айдың қарсаңында төленуі тиіс. Бұл төлем алдыңғы 3 ай үшін берешек болмаған жағдайда төленген кезеңге мәртебе береді. Жаңа ай басталғанда ол үшін төлем болмаған жағдайда «сақтандырылмаған» мәртебесі болады. Төлем жасалған кезде мәртебе «сақтандырылған» болып өзгереді, – деп түсіндірді медициналық сақтандыру қорының Қарағанды филиалының бөлім басшысы Светлана Щеткина.
Осы жылдың маусым айында медициналық сақтандыру қорына облыс тұрғындарынан 2,7 млрд теңге түсті. Бұл жұмыс берушілердің, дербес төлеушілердің, жеке кәсіпкерлердің және БЖТ төлеушілердің жарналары мен аударымдары.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Францияда Google-ге 500 млн еуро көлемінде айыппұл салынды
Өзгелердің жаңалығы