Мәжбүрлеп, заңға жүгінбейік. Мусин әлжелісін тек орысша жүргізетін компаниялар жайлы

Бұл туралы Цифрлық даму, инновациялар және аэроғарыш өнеркәсібі министрі Бағдат Мусин мәлім етті, деп хабарлайды BAQ.KZ тілшісі.

Жиында министрге «Веб-сайттардың бастапқы тілі қазақ тілі болуы керек деген тақырыпты талқыладық. Мұны реттеудің амалы қандай?» деген сұрақ қойылды.

Кез келген клиентке арналған қосымшаға қазақ тілін талап етіп пікір жазсақ, олар міндетті түрде қазақ тіліне көшеді. Мысалы 2ГИС, «Яндекс» қазақшаға көшті. Біз тұтынушы болып өз дауысымызды берсек, бәрібір бірте-бірте мемлекеттік тілге уақыт өте ауысады. Оларды мәжбүрлеп, заңға жүгінудің қажеті жоқ, өз басым оны дұрыс деп санаймын, - деп жауап берді Мусин «Цифрлық әлемдегі қазақ тілі» тақырыбында өткен жиында.