Майдангерлер Жеңіс күніне орай арнайы медальмен марапатталады

1941-1945 жылдардағы Ұлы Отан соғысындағы Жеңіс күнінің 80 жылдығы құрметіне, соғыс ардагерлері мен тыл еңбеккерлерінің ерлігіне, қаһармандығы мен қайсарлығына терең құрмет көрсете отырып, президент Қасым-Жомарт Тоқаевтың қаулысы жарияланды, деп хабарлайды BAQ.KZ.

Қаулыға сәйкес «Ұлы Отан соғысындағы Жеңіске 80 жыл» бірыңғай мерекелік медалі тағайындалды.

Сондай-ақ Ұлы Отан соғысының ардагерлері, тыл еңбеккерлері және өзге де адамдар «Ұлы Отан соғысындағы Жеңіске 80 жыл» бірыңғай мерекелік медалімен наградталсын.