Маңғыстауда сотталғандар кинотерапиядан өтеді

Нұр-Сұлтан, BAQ.KZ. Маңғыстау облысындағы ГМ 172/10 мекемесінде жазасын өтеушілер аптасына бір рет әдеттен тыс жаттығуға, яғни мотивациялық фильм көруге келеді,  деп хабарлайды mangystaumedia.kz сайты. 

Көруге арналған фильмдерді психологтар таңдайды. 

Біз әртүрлі жанрдағы, яғни, тарихи, драмалар, өмірбаяндар, тіпті экшн фильмдерлі көреміз. Ең бастысы барлығы психологиялық аспектілерге сәйкес болады. Қарапайым тілмен айтқанда, фильм терапиясы - арт-терапияның бір саласы. Фильм психикаға есту, көру арқылы әсер етеді, – дейді Маңғыстау облысы ГМ172/10 мекемесінің психологы Тоғжан Жиенбаева. 

Көргеннен кейін сотталғандармен әңгіме жүргізіліп, фильм талқыланады, қорытынды жасалады және түрлі психологиялық әдістемелер, мамандармен әңгімелесу жүргізіледі. 

Арт-терапия ұнайды. Тек тергеу изоляторында фильмді көріп қана қоймай, өз эмоцияңызды байқай алатынымды түсіндім. Сценарийге, диалогтарға, әртістердің мимикасына мән бере бастадым. Бұл өте қызықты және біздің психолог айтқандай, біз фильмге көру арқылы жалпы өмірге саналы көзқарас қалыптастырамыз. Мен сабырлы болдым, күндізгі әрекеттерімді талдай бастадым, тіпті көрген суреттеріме эссе жазғым келеді. Кейде психологқа өз идеямызды ұсынып, мақұлданған кездері де болады, - дейді сотталған Дәурен Қ. 

Бұл жолы кинотерапия аясында фильмді көру медицина қызметкерлерінің мерекесімен тұспа-тұс келді. 8 маманды қызметкерлер ғана емес, жазасын өтеушілер де құттықтады. 

Тергеу изоляторында аптасына бір рет кинотерапиядан бөлек ойын терапиясы, арт-терапия, ертегі терапиясы жүргізіледі. Мамандар сәйкесінше ойын, ертегі, сурет бойынша тренингтер өткізеді. Осының барлығы сотталғандардың өзін табуға көмектеседі.