Маңғыстауда экологтар дөңгелек ауыстыру шеберханаларына ескерту жасады
Нұр-Сұлтан, BAQ.KZ. Маңғыстау облысы бойынша экология департаменті мен облыстық табиғи ресурстар және табиғатты пайдалануды реттеу басқармасының қызметкерлері кәсіпкерлік субъектілеріне, атап айтқанда, автокөліктерге техникалық қызмет көрсету және жөндеу шеберханасы мамандарымен жүздесіп, түсіндіру жұмыстарын жүргізді, деп хабарлады департаменттің баспасөз қызметі.
Кейде әлеуметтік желілерде шиналардың өртенген видеокадрлары пайда болып жүргені жасырын емес. Шиналардың өртке оранып, соңы ала түтінге айналып соңы тұрғындар наразылығын тудырып жүр. Шиналарды жағу фактісі экологтар тарапынан тексеру тағайындауға түрткі болуы ықтимал. Қазірдің өзінде Маңғыстау облысы бойынша экология департаментіне «Приозерный – 3» кенті тұрғындарынан «Кіші Оймаша» көлінің жағасында дөңгелектер мен шиналардың жанып жатқандығы жөнінде шағым түсті.
Осыған байланысты экологтар Қазақстан Республикасы Экологиялық кодексінің 209-бабына сәйкес атмосфералық ауаны ластау көзі болуы мүмкін қалдықтарды арнайы жабдықталған орындардан тыс жерде және арнайы қондырғыларды пайдаланбай жағуға тыйым салынғанын еске салады. Қазақстан Республикасының экологиялық заңнамасында көзделген талаптарға сәйкес келетін қондырғылар мен жабдықтар, қалдықтарды жинау (мамандандырылған ұйымдарға беру) күніне дейін алты айдан аспайтын мерзімде пайда болған жерде уақытша сақтау үшін ҚР ЕК 320-бабының 1-тармағының 2-тармағындағы қалдықтар қалпына келтіру немесе кәдеге жарату операцияларына жатады, - делінген хабарламада.
Қазақстан Республикасы ӘҚБтК-нің 344-бабының 3-тармағына сәйкес – Қалдықтарды жинақтау, жинау, тасымалдау, есепке алу, кәдеге жарату, кәдеге жарату және орналастыру кезіндегі экологиялық талаптарды бұзу – жеке тұлғаларға бір айлық есептік көрсеткіш мөлшерінде айыппұл салуға әкеп соғады. Сондай-ақ лауазымды тұлғаларға, шағын кәсіпкерлік субъектілеріне немесе коммерциялық емес ұйымдарға – бір жүз, орта кәсіпкерлік субъектілеріне – екі жүз, ірі кәсіпкерлік субъектілеріне – бес жүз айлық есептік көрсеткіш мөлшерінде айыппұл қарастырылған.
Жоғарыда көрсетілген мән-жайларға байланысты экология департаменті (облыс аумағына қалдықтарды рұқсатсыз орналастыруды, сондай-ақ оларды арнайы жабдықталған орындардан тыс жерде және арнайы қондырғыларды пайдаланбай жағуды болдырмау мақсатында) өнеркәсіптік өндіріспен айналысатын кәсіпорындарға түсіндіреді, көлік құралдарына техникалық қызмет көрсету және жөндеу, қалдықтарды (пайдаланылған шиналар, аккумуляторлар, майлар, сүзгілер, шүберектер және т.б.) өз бетінше шығару немесе осы қалдықтар қалпына келтіру немесе кәдеге жарату операцияларына ұшырайтын мамандандырылған объектілерге беру қажеттілігі бар.
Осындай фактілер расталса, экология тарапынан тексеру жүргізіліп, оның қорытындысы бойынша кінәлі тұлғаларға қатысты тиісті шаралар қабылданады. Бұл ретте ресми түрде арыз-шағым түссе жеткілікті, - деп түсіндірді облыстық экология департаментінің мамандары.