Маңғыстау облысында қысқы мал азығын қамтамасыз етуге 27 мың тонна шөп қажет

Нұр-Сұлтан, BAQ.KZ. Бұл туралы Қоғамдық коммуникация орталығында өткен брифингіде Маңғыстау облысы Ауыл шаруашылығы басқармасы басшысының міндетін атқарушы Айсағали Нұғманов мәлім етті. 

Биыл Маңғыстау облысына барлығы 77 мың тонна шөп алып келу жоспарға алынған. Қазіргі таңда соның 65%-ы, яғни 50 100 тонна шөп тасымалданды. 

Брифингіде өңірдегі қысқы мал азығын толықтай қамтамасыз ету үшін барлығы 27 мың тоннадай шөп қажеттігі айтылды.

Облыстағы қыс мезгіліне қажет 27 мың тонна шөптің 19 мың тоннасы өзге облыстардан және 8 000 тоннасын жергілікті жерден шабылады деп жоспарлануда. 19 мың тоннаны сатып алуға 1,4 млрд теңге бөлінді. Бүгінгі таңда соның 1,1 млрд теңгесі беріліп, 15 000 мың тонна шөп алып келу үшін операторлар тағайындалды, - деді Айсағали Нұғманов.

Жоспар бойынша өңірімізде биыл 53 мың тонна жем келуі тиіс. Бүгінгі таңда оның тек 55%-ы, яғни 29 300 тонна ғана берілген. 

Қазір шаруаларды жем-шөппен қамтамасыз етіп, мал азығы тапшылығын жою мақсатында жұмыс жүргізіліп жатыр.