МӘМС жүйесінде сақтандырылған азаматқа дұрыс көмек көрсетілмесе, не істеу керек?

Медициналық сақтандыру қорына 30 қарашадағы жағдай бойынша 3961 астана тұрғынынан шағым түскен, деп хабарлайды BAQ.KZ.

Осы орайда, Әлеуметтік медициналық сақтандыру қоры елорда филиалының баспасөз қызметі пациент құқығының қалай қорғалатынын айтты.

Медициналық сақтандыру қорының негізгі басымдықтарының бірі – пациент  құқығын қорғау. Осыған орай кері байланыс құралдары арқылы түсетін шағым-өтініштерге ерекше бақылауда болады. 2022 жылдың 30 қарашасындағы жағдай бойынша Астана қаласынан түскен шағымдар саны - 3961. Өтініштер мен шағымдардың негізгі бөлігі 1406 тегін байланыс орталығы және Qoldau 24/7 мобильді қосымшасы арқылы түседі, – дейді делінген қор таратқан хабарламада.

Көбінесе халық консультациялық-диагностикалық қызметтердің қолжетімсіздігіне (жабдықтың болмауы, күту ұзақтығы, жолдама бермеу, кадрлар тапшылығы), медициналық көмек көрсету сапасына, ұзақ күтуге шағымданады. Барлық шағымдар бойынша шаралар қабылданып, өтініш берушілерге жауаптар берілді.

Қор тұрғындардан келіп түскен өтініштердің себептерін үнемі талдап отырады және кері байланыс арналары арқылы олардың қаралу процестерін жетілдіреді. Алайда, егер клиникалар мен пациенттер бұл бағытта алға қадам жасамаса, бұл жеткіліксіз. Медициналық ұйымдар пациенттерді қолдау қызметінің (ПҚҚ) жұмысын күшейтуі қажет: бүгінгі күні Пациенттерді қолдау қызметінің пациенттермен байланысы нашар екені байқалады. Көптеген пациенттер медициналық ұйымда бұл қызмет бар екенін және оның не істейтінін білмейді. Сұрақтар туындаған кезде пациенттер түсіндірме кеңес алу үшін ӘМСҚ кеңсесіне жіберіледі немесе мәселені сол жерде шешудің орнына 1406 байланыс орталығына хабарласуды ұсынады. Пациенттер Денсаулық сақтау жүйесіндегі барлық құқықтарын біліп, олардың сақталуын қатаң талап етуі керек. Сондай-ақ пациенттер онкологиялық және басқа ауруларды ерте анықтауға арналған скринингтік зерттеулерді және профилактикалық тексерулерді қоспағанда, медициналық қызметтерді тек медициналық көрсеткіштер бойынша алуға болатынын білуі керек. Кейбір пациенттер медициналық көрсетілімдері жоқ қызметтерді талап ететіндіктен, негізсіз шағымдардың саны да өсуі мүмкін.

Егер пациенттер көрсетілген медициналық қызметтердің сапасына қанағаттанбаса, медициналық қызметкер тарапынан дөрекілікке, тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру жүйесінде ұсынылатын медициналық қызметтер үшін ақшалай қаражатты талап ету фактілеріне немесе басқа да проблемалық мәселелерге тап болса, пациент өз құқығын қалай қорғайды?

Егер сіз:

• көрсетілген медициналық қызметтердің сапасына қанағаттанбасаңыз;

• медициналық қызметкер тарапынан дөрекілікке;

• тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру жүйесінде ұсынылатын медициналық қызметтер үшін ақшалай қаражатты талап ету фактілеріне 

• немесе басқа да проблемалық мәселелерге тап болсаңыз, пациенттерге қолдау көрсету және ішкі аудит қызметінен көмек сұраңыз. 

Мұндай қызмет әрбір медициналық ұйымда жұмыс істейді. Кері байланыс үшін байланыс деректерін көрсете отырып, жазбаша өтініш жазу жеткілікті. Толығырақ ақпаратты емхананың немесе аурухананың қабылдау бөлімінен білуге болады.

• Аймақтың денсаулық сақтау басқармасының байланыс орталығына жүгінуге болады. Барлық медициналық ұйымдар денсаулық сақтау басқармаларына бағынатындықтан, олардың өкілдері сіздің мәселеңізді шешуге әсер ете алады.

• Qoldau 24/7 қосымшасында өтінім қалдыруға болады. Сіздің өтінішіңіз Qoldau 24/7 арнасына түскеннен кейін Әлеуметтік медициналық сақтандыру қорының мамандары медициналық ұйыммен хабарласады және қызмет көрсету сапасын тексереді. Егер сіз қандай да бір себеппен оны алмаған болсаңыз, онда олар бас тарту себебін анықтайды. Барлық өтініштерге тізілімде тіркеу нөмірі беріледі, енгізіледі, соның арқасында өтініштің мәртебесін қадағалауға болады.

• @SaqtandyryBot Telegram-ботында өтінім қалдырыңыз. ол үшін негізгі мәзірде "1406-ға хабарлама жіберу" пәрменін таңдау керек. Өтінімде мәселенің мәні, сондай-ақ аймақтың және медициналық ұйымның атауы болуы керек.

• Қордың тәулік бойы жұмыс істейтін 1406 бірыңғай байланыс орталығына жүгіну қажет. Қазақстанның барлық аумағында ұялы және қалалық телефондардан қоңырау шалу тегін.

• «Сұрақ қою/шағымдану» бөлімінде өтініш қалдыруға болады.

Барлық сұрақтар бойынша шаралар қабылданады.

Сондай-ақ, қор тарапынан жеткізушілердің тұрғындарға медициналық қызмет көрсету жұмыстарын жақсартуы бағытында жүйелі шаралар қабылдануда. Медициналық ұйымдар пациенттерді қолдау және ішкі аудит қызметтерінің жұмысын жолға қоюы, өздеріне тіркелген тұрғын халқының қажеттіліктеріне жауап беруі тиіс.