МӘМС-ке төленген қаржыны қалай қайтаруға болады?

Қазақстан азаматтарына жіберілген, екі рет төленген немесе жарна төлеуден босатылған адамдар үшін төленген міндетті әлеуметтік медициналық сақтандыру (МӘМС) жарнасының артық төлемі қайтарылады.

Бұл туралы BAQ.KZ ҚР Электронды үкіметінің мәліметіне сілтеме жасап хабарлайды.

Қазақстандықтар үшін жақсы жаңалық: егер сіз міндетті әлеуметтік медициналық сақтандыруға (МӘМС) артық ақша төлеп қойған болсаңыз, енді ол қаражатты қайтарып алуға мүмкіндік бар. Қайтару ережелеріне өзгерістер енгізіліп, 2025 жылғы 31 наурыздан бастап жаңа шарттар күшіне енеді.

Қаражат келесі жағдайларда қайтарылады:
• төлем техникалық ақау немесе адами фактор салдарынан екі рет жіберілген болса;
• мемлекет жарна төлейтін тұлға үшін төлем жүргізілген болса;
• төлем құжатында ИИН, аты-жөні немесе төлем кезеңі дұрыс көрсетілмеген болса;
• төлемнің тағайындалу коды дұрыс көрсетілмесе;
• шетел азаматы үшін қате жарна төленсе.

Енді жоғалған қаражатпен қоштасудың қажеті жоқ – бастысы, қайтару туралы өтініш беру.

МӘМС жарнасының артық төлемін қалай қайтаруға болады:

Егер сіз МӘМС жарнасын артық төлегеніңізді анықтасаңыз, қаражатты қайтару үшін мына қадамдарды орындау қажет.

Өтініш беру жолдары:
• eGov.kz порталы арқылы;
• өз аймағыңыздағы Әлеуметтік медициналық сақтандыру қорының (ӘМСҚ) бөлімшелері арқылы;
• төлем жасалған банктер арқылы.

Қажетті құжаттар:
• төлемді растайтын құжат (чек немесе банк үзіндісі);
• жеке куәлік;
• қайтару себебі көрсетілген өтініш.

Қарастыру мерзімі:
Өтініштің күрделілігіне қарай бірнеше күннен бірнеше аптаға дейін созылуы мүмкін.

Маңызды! Егер ақша басқа адамның деректемесіне немесе қате тұлға үшін аударылса, қаражат тек барлық мәліметтер тексерілген соң ғана қайтарылады.