Мамин вакцинациялауды күшейтуді тапсырды

Нұр-Сұлтан, BAQ.KZ тілшісі. Премьер-министр Асқар Мамин елдегі санитариялық-эпидемиологиялық жағдайға байланысты бірқатар тапсырма берді.

Мемлекет басшысының тапсырмаларын орындау бойынша жүйелі жұмыс жүргізіліп жатыр. Қазір біздің басты міндетіміз санитариялық-эпидемиологиялық жағдайды тұрақтандыру және коронавирус инфекциясына қарсы жаппай вакцинациялаумен қамтуды арттыру, - деді Үкімет басшысы.

Дегенмен 8 өңір «қызыл аймақта». Вирустың репродуктивтілік индексі – 1,06. Ауруханалардағы орындардың жүктелуі – 41%, реанимациялық бөлімдердегі орындар – 27%, - деп атап өтті ол.

Осыған байланысты Мамин әріптестеріне тапсырма берді.

Халықты, әсіресе қамтылуы төмен өңірлерде вакцинациялаумен қамтуды кеңейту қажет. Сәуір айының соңына дейін және ай сайын 2 млн адамды вакцинамен қамтамасыз ету жөніндегі жоспарды нақты орындау керек, - деп тапсырма берді Мамин.

Әкімдіктер Денсаулық сақтау, Ішкі істер министрліктерімен, «Атамекен» ұлттық кәсіпкерлер палатасымен бірлесіп, мобильді мониторингтеу топтарының белсенді қатысуымен халықтың санитариялық-эпидемиологиялық талаптарды сақтауын қамтамасыз етсін, - деді Асқар Мамин Үкіметте.