Асқар Мамин AIBA президентін қабылдады

Нұр-Сұлтан, BAQ.KZ. ҚР Премьер-министрі Асқар Мамин Халықаралық Бокс федерациясының президенті (AIBA) Умар Кремлёв пен Қазақстан бокс федерациясының президенті Кеңес Рақышевты қабылдады. Бұл туралы Қазақстан бокс федерациясы хабарлады.

Жоғары дәрежеде өткен кездесуде тараптар қазақстандық бокстың жан-жақты дамуына тоқталды. Кездесудің маңызды мәселелердің бірі ретінде мектептер мен жоғары оқу орындарында бокс спорт түрін дамыту талқыланды,-делінген хабарламада.

Айта кетсек, бокстан Қазақстан ұлттық құрамасы Белградта өткен Әлем чемпионатында 2 алтын, 2 күміс, 1 қола жүлде иеленген болатын. Жалпы командалық есепте ел құрамасы екінші орынға табан тіреп, ел мерейін үстем етті.