Мамандар не себепті өмір бойы білім алады?
Мамандар не себепті өмір бойы білім алады? Ересектерге арналған оқыту нарығында қандай трендтер басым? Білім алуды әдетке айналдыру неге маңызды? Бұл сұрақтардың жауабын Медициналық технологиялар және ақпараттық жүйелер орталығының президенті Қази Тілеубеков айтып берді, деп хабарлайды BAQ.KZ тілшісі.
Медициналық технологиялар және ақпараттық жүйелер орталығы – Президент іс басқармасы Медициналық орталығының жүйесіне кіретін және Іс басқармасы мен оның ведомстволық қарасты ұйымдарының қызметкерлерін оқытумен және олардың құзыретін арттырумен айналысатын ұйым.
- Алдымен орталықтың немен айналысатынын түсіндіріп өтсеңіз...
- 10 жылдан астам уақыт бойы МТАЖО қызметкерлердің дамуына, құзыретін арттыруға және білімдерін үнемі жаңартып отыруға көмектесіп келеді. Осы кезеңде біз 10 мыңнан астам адамды оқыттық. Біз Іс басқармасының ведомстволық қарасты 22 ұйымымен ынтымақтастық орнатып жатырмыхз.
Біздің тыңдаушыларымыздың қатарында медицина қызметкерлері, заңгерлер, бухгалтерлер, экономистер, қаржыгерлер, жоғары менеджмент, инженерлік-техникалық қызметкерлер және Іс басқармасы жүйесінің басқа да қызметкерлері бар.
Үздік дәріскерлермен ынтымақтасқанбыз. Бұл нарықта танылған жоғары деңгейдегі мамандар. Пулымызда 100-ден астам дәріскер-сарапшы бар. Сондай-ақ Іс басқармасы жүйесі қызметкерлерінің қатарынан таңдаулы 33 маманнан тұратын ішкі дәріскерлерді оқыту іс-шараларына тартамыз.
- Оқытумен айналысамыз дедіңіздер... Бұл қандай оқыту? Тыңдаушыларға не қажет екенін қалай анықтайсыздар?
- Біз өз сабақтарымыздың жоспарын ПІБ ведомстволық қарасты ұйымдарының қажеттіліктеріне сәйкес жасаймыз. Мысалы, IT мамандары киберқауіпсіздік немесе бұлтты кеңістіктер тақырыбына қызығушылық танытатынын айтады және біз олар үшін оңтайлы оқытуды таңдаймыз. Қызметкерлердің басқа санаттары да дәл осылай жасай алады.
- Ең танымал курстар қандай? Қазір ересектерді оқытуда қандай трендтер бар?
- Қазір бүкіл әлемде lifelong learning – өмір бойы үздіксіз оқу үрдісі таралып келеді. Білім алу университетте бірнеше жыл оқып, содан кейін жұмыста тек осы дағдыларды қолдану ретінде қарастырылуды тоқтатады. Қазір кәсіпқойлар білімнің тез ескіретінін түсінеді және бәсекелес еңбек нарығында сұранысқа ие болу үшін білімдерін үнемі жаңартып отыруға мәжбүрлейді.
Сонымен қатар цифрландыру еңбек нарығына қысым жасап жатыр, бірақ көптеген кәсіпті жойғанына қарамастан, ол көптеген жаңа мүмкіндікті де беріп жатыр.
Мысалы, болашақ еңбек нарығына болжам жасайтын Дүниежүзілік экономикалық форумның 2018 жылғы есебіне сәйкес, жасанды интеллект 75 млн адамның жұмыссыз қалуына әкеп соқтырды, бірақ 133 миллион жаңа бос жұмыс орындарын құрайды.
Алайда, бір ерекшелігі бар – бұрын мамандықтар ондаған жылдар бойы өмір сүрсе, қазір мерзім айтарлықтай қысқарды және оның салдары адамның белгілі бір мансаптық бағытқа ие болмауына әкелуі мүмкін. Ол үнемі қайта оқуға мәжбүр болады.
Осыған байланысты әр түрлі компаниялардың қызметкерлері үнемі курстардан, тренингтерден өтеді, біліктілігін арттырады, тіпті пәнаралық салаларды оқиды. Мысалы, HR мамандары менеджментті, жоба менеджерлері маркетингті және т.б. зерттейді.
Ересектерді оқытудағы бір маңызды тенденциясы – mindfulness, зейінді дамыту. Адамдар көбіне «жұмсақ/икемді дағдыларды» (Soft skills) дамытқысы келеді.
Linkedin есебіне сәйкес, жұмыс берушілердің 92%-ы икемді дағдыларды техникалық дағдылардан гөрі маңызды деп санайды. Олар шығармашылықты, адамдарды сендіру және қарым-қатынас жасау қабілетін, бейімделуді ажыратады.
МТАЖО-да олар өте танымал, өйткені олар бәріне қажет. Мысалы, «Тайм-менеджмент», «Командадағы тиімді коммуникациялар», «Іскерлік хат алмасу – сауатты және тиімді», «Кайдзен», «Компанияның бренд-амбассадорлары», «Басшының эмоционалды интеллектісі. Өзіңіздің және қызметкерлеріңіздің эмоцияларын қалай басқаруға болады?» және тағы басқалар.
- Онлайн оқыту қаншалықты тиімді?
- Әртүрлі нанымдарға қарамастан, онлайн форматта өте тиімді оқуға болады. Біздің тәжірибемізге сүйене отырып, тыңдаушылардың мотивациясы жақсы болған кезде, яғни білім қолданбалы және жұмысты жалғастыру үшін қажет болса, олар өткен материалды тиімді игереді деп айта аламын. МТАЖО өткізетін әр тренингке басқа қалалардың онлайн тыңдаушылары қосылады.
Дегенмен офлайн оқыту әлі де ең танымал. Жаңа білім алу – шоғырлану мен табандылықты қажет ететін күрделі процесс. Офлайн формат тәртіппен мәселелері бар, жиналу қиынға соғатындар үшін пайдалы. Өйткені жақын жерде сіз табысқа жететін басқа белсенді адамдарды көресіз, ерік-жігермен назар аударуға мәжбүр ететін бәсекелестік элементтері пайда болады. Сонымен қатар аудиторияда оқыту нетворкингке мүмкіндік береді.
- Сіздердің оқытуларыңыз қаншалықты ұнағанын қалай түсінесіз? Сіздер кері байланыс алып жатырсыздар ма?
- Иә, әрине. Біз әрқашан оң пікірлерге де, сынға да ашықпыз. Кері байланыс жүйесі тренингтен кейін біздің тыңдаушылар сауалнамаларды толтырады, онда олар өз бағаларын, ұсыныстарын қалдыра алады, не ұнағанын және нені түзететінін белгілей алады. Содан кейін біз бағдарламаларды кері байланыс негізінде реттейміз.
- Алдағы жоспарларыңыз қандай? Орталық қандай жаңалықтарды енгізбекші?
- Шындығында, бізде үлкен жоспарлар бар. Мысалы, биыл біз ПІБ жүйесінің қызметкерлерін ғана оқытып қоймай, нарыққа шығып, клиенттер ретінде басқа компанияларды – квазимемлекеттік және коммерциялық секторларды тартамыз.
Сонымен қатар, біз қазір өз веб-порталымызды әзірлеу сатысындамыз. Тыңдаушыларымыз өткен материалды қайталай алуы үшін біздің тренингтер мен семинарлардың мұрағаты сақталады. Өз білімін растау үшін интерактивті тесттер мен тапсырмалар орналастырылады.
Сондай-ақ осы порталдың арқасында біз жеке тұлғалар нарығына шығып, дербес онлайн оқыту қызметтерін ұсынғымыз келеді.
Біз көптеген жаңа мүмкіндікті ашатын веб-порталға үлкен үміт артамыз. Әрине, біз әртүрлі бағыттарды сынап көреміз, содан кейін нәтижелерге сүйене отырып, сұранысқа ие болатын нәрсені жүзеге асырамыз.