Макрон Зеленскийге: "2 млрд евро береміз"

Франция мен Украина президенттері Эммануэль Макрон мен Владимир Зеленский «ниеттестер коалициясы» саммитінің алдында Парижде кездесу өткізді, деп хабарлайды BAQ.KZ.

ВВС таратқан ақпаратқа сүйенсек, Макрон мен Зеленский Елисей сарайының алдында жүздесіп, келіссөздер жүргізген.

Макрон келіссөздерден соң Франция Киевке қосымша 2 млрд евро әскери көмек бөлетінін айтты. Бірлескен баспасөз мәслихатында Зеленский мен Макрон Ресей алдын ала талаптарсыз Украинада 30 күндік атысты тоқтатуға келісуге міндетті екендігін айтты.

Француз көшбасшысы сондай-ақ Мәскеуді ол әлі күнге «соғысқа қол созып отырғанын» жариялап отыр деп айыптады. Сонымен қатар соғыс әрекеттеріне нүкте қоятын соңғы кезеңнің келгенін алға тартты.