Магниттік дауыл: Наурыздағы ең қауіпті күндер

7 мен 19 наурыз аралығында Жер бетінде магниттік дауылдар легі болады, деп хабарлайды BAQ.KZ.

Магниттік дауыл адамдаодың денсаулығы мен техниканың жұмысына әсер етуі мүмкін.

Дауыл 8-9 наурызда және 11 мен 14 наурыз аралығында шарықтау шегіне жетеді. Бұл күндері геомагниттік белсенділік Kp 5-ке дейін жетеді. Қалған күндері дауыл әлсіздеу болады.

Мамандар аталған күндері ауыр физикалық жүктемелерден тыйылып, алкоголь мен кофеин (көк шайды қосқанда) тұтынуды барынша қысқартуға кеңес береді.

• 7 наурыздан бастап индексі Kp 3-ті құрайтын әлсіз дауыл басталып, 9 наурызға дейін созылады.
• 9 мен 11 наурыз аралығында индексі Kp 3-пен дауыл болып, 11 мен 14 наурыз аралығында Kp 5-ке дейін күшейеді.
• 14 мен 16 наурыз аралығында қуаты Kp 4-ке төмендейді.
• 16 мен 18 наурыз аралығында индексі Kp 3-ті құрайтын дауыл қайталанады.
• 18 мен 19 наурызда дауыл Kp 3-ке дейін, ал 19 наурыздан соң Kp 2-ге дейін төмендейді.

Бұл күндері денсаулығыңызға түсетін жүктемені азайту үшін төмендегі кеңестерді есте сақтаңыз:

• Ұйқы режимін сақтап, ұйқыңызды қандыруға тырысыңыз.
• Тамақтың калориясын азайтып, эмоциялық күйіңізді бақылаңыз. Созылмалы ауруыңыз болса, қан қысымыңызды қадағалап, қажет болса, дәрі, мәселен, қаныңызды сұйылту үшін аспирин ішіңіз.
• Денсаулығыңызбен қатар, техникаларды да бақылауды естен шығармаңыз. Дауылдың алдында құрылғыларыңызды ертерек қуаттап алыңыз және қолданбайтын техникаларды өшіріп қойған дұрыс.