"Маған Зеленскийден хат келді". Трамп Конгресте не айтты?

АҚШ президенті Дональд Трамп Конгресс алдында үндеу жасады. Күн тәртібіндегі негізгі тақырыптардың бірі – Украинадағы жағдайды реттеу, деп хабарлайды BAQ.KZ тілшісі.

"Америка қайта гүлденеді"

Трамп өз сөзін 43 күн ішінде көптеген әкімшілік бүкіл басқару мерзімінде орындай алмаған жетістікке жеткенін айтады. Оның айтуынша, өзі бәсекеге түсуді қаламайтын жалғыз президент – Джордж Вашингтон.

43 күн ішінде біз 4 жыл немесе 8 жыл билікте болған әкімшіліктерден де көп жетістікке жеттік. Бұл тек бас ғана, – деді ол.

Трамп ерлер-трансгендерлердің әйелдер спортына қатысуына тыйым салуға уәде берді, бұл әділдік үшін қажет деп мәлімдеді. Ол әйелдер арасындағы ұзақ қашықтыққа жүгіру рекордын ер адамдар жаңартқанын мысал ретінде келтірді.

Трамп Байденді "АҚШ тарихындағы ең нашар президент" деп атады.

Трамп мемлекеттік цензураны жойып, АҚШ-қа сөз бостандығын қайтарды деп мәлім етті.

АҚШ басшысы Украинадағы қақтығысты тоқтату үшін барын салып жатқанын атап өтті.

Мен Украинадағы қатыгез қақтығысты тоқтату үшін үзіліссіз жұмыс істеп жатырмын. Миллиондаған украиндар мен ресейліктер осы сұмдық әрі аяусыз соғыста құрбан болды. Бұл қақтығыстың соңы көрінбейді. Америка Құрама Штаттары Украина қорғанысын қолдау үшін жүздеген миллиард доллар бөлді. Ал Еуропа, өкінішке қарай, Украинаны қорғауға жұмсаған қаражатынан әлдеқайда көп қаржыны Ресейдің мұнайы мен газын сатып алуға жұмсады! Байден бұл соғысқа Еуропадан да көп ақша бөлді, – дейді президент.

Оның сөзінше, Украина басшысы Зеленскийден маңызды хат келген.

Украина мүмкіндігінше тезірек келіссөздер үстеліне отырып, ұзақ мерзімді бейбітшілікке қол жеткізуге дайын, – деді АҚШ президенті Капитолийде.

Инвесторларға арналған "алтын карталар"

Трамп жақын арада "алтын карталар" енгізетінін мәлімдеді. Ол АҚШ-та тұру құқығына ие болу үшін 5 миллион доллар төлеуге дайын адамдарға беріледі. Бұл бағдарлама қазіргі инвесторларға арналған көші-қон жүйесінің орнын басуы мүмкін.

Бұл – грин-карта сияқты, бірақ одан жақсы әрі күрделірек, – деді Трамп.

АҚШ Гренландияны иемдене ме?

Трамп АҚШ қандай жағдайда болмасын, Гренландияға ие болатынын айтты.

Біз Гренландия халқының өз болашағын анықтау құқығын толық қолдаймыз. Егер олар қаласа, біз оларды Америка Құрама Штаттарының құрамына қуана қабылдаймыз. Біз барлық тараптармен осы мақсатқа жету үшін жұмыс істеп жатырмыз, өйткені Гренландия ұлттық қана емес, халықаралық қауіпсіздік үшін де маңызды, – деді Трамп.

Бұған дейін хабарлағанымыздай, Украина президенті Украинаның бейбітшілікке деген ұстанымы туралы жазба жариялады.