Лукин: Резервистерді дайындау жаңа тәсілді талап етеді

Сенатор Андрей Лукин Қазақстандағы әскери дайындық құрылымы мен әдістері қазіргі заманның қауіп-қатері мен еліміздің сұранысына сәйкес келмейді, деп санайды, деп хабарлайды BAQ.KZ.

Қазақстанда қазіргі уақытта 41 әскери кафедра жұмыс істейді, онда жыл сайын 21 000-нан астам студент 85 әскери-есептік мамандық бойынша білім алады. Алайда, сенатор Лукин атап өткендей, олардың тек аз ғана бөлігі киберқауіпсіздік, геоақпараттық жүйелер және автоматтандырылған басқару жүйелері сияқты аса маңызды және тапшы мамандықты меңгереді.

Бүгінгі күні азаматтық жоғары оқу орындарының ректорлары әскери кафедраларда әскери дайындықтан өткен резервті дайындау үшін запастағы және отставкадағы офицерлерді жұмысқа қабылдайды. Мұндай тәсіл, мүмкін, тиісті әскери мекемеден тыс шешім қабылдауға алып келеді, бұл оқытушыларға қойылатын кәсіби талаптарды бақылауды шектейді. Сонымен қатар, онда нақты әскери білім беру талабына емес, әкімшілік немесе экономикалық мүддеге басымдық берілуі ықтимал, – деді сенатор Лукин.

Депутат сондай-ақ қазақстандық студенттер шетелдік азаматтық жоғары оқу орындарында білім алып жүріп, «сол елдердің әскери кафедраларында дайындықтан өту мүмкіндігінен айырылғанын» атап өтті. Бұл олардың халықаралық әскери қауымдастыққа кірігуіне және тәжірибе алмасуына кедергі келтіреді.

Сенатор Лукин осы мәселелерді шешу үшін қызмет етуші офицерлерді әскери кафедраларда міндетті түрде ротациялау талаптарын енгізуді және оқытушыларды жүйелі түрде аттестациядан өткізу жүйесін енгізуді ұсынды.

Оқытушылардың біліктілігі олардың мамандықтарына сәйкес болуы заңмен бекітілуі тиіс. Қазіргі заманғы қауіп-қатерге бейімделген тар бағытты білім беру бағдарламаларын енгізу қажет. Сонымен қатар, шетелдік азаматтық жоғары оқу орындарында оқитын қазақстандық студенттердің сол елдердегі әскери кафедраларда дайындықтан өтуіне мүмкіндік беретін тиісті келісім жасауды қарастыру қажет, – деді сенатор Андрей Лукин.