Лудоман Қарағанды тұрғынынан ұрлаған 14 млн теңгені құмар ойынға жұмсаған

Лудоман Қарағанды тұрғынынан ұрлаған 14 млн теңгені құмар ойынға жұмсаған, деп хабарлайды BAQ.KZ Polisia.kz-ке сілтеме жасап

Қарағандыда полицияға сауда ұйымдарының бірінің 40 жастағы басшысы өтініш білдірді. Ол 14 млн теңге ұрлаған адамды қылмыстық жауапкершілікке тартуды өтінді. Барлық жағдайларды анықтау кезінде полицейлер жәбірленушінің күдіктімен таныс емес екенін, оның тек есімін ғана білетінін анықтады.

Күдікті өтініш берушіден бір-екі күннен кейін барлық соманы қайтаратынына сендіріп, оған 1 млн 700 мың теңге қарыз беруін сұраған. Жәбірленуші келісіп, қарыз алушы кепіл ретінде жеңіл көлігін тастап кеткен.

Келесі күні сауда ұйымының басшысы осы көлік құралында банктік шотқа аудару үшін 14 млн теңге сомасында қолма-қол ақша алып, жұмысқа келді. Біраз уақыттан кейін оған қарыз алушы келіп, салонда қалған ноутбукты алу керек екенін түсіндіріп, машинаны ашуды өтінді. Жәбірленуші оның өтінішін орындап, өз жұмысымен кеткен. Біраз уақыттан кейін ол көшеге шығып, 14 млн теңге жатқан көліктің жоғалып кеткенін анықтады. Ер адам күдіктімен байланысуға тырысты, бірақ ол телефонын өшіріп тастаған.

Полиция Алматы облысының 35 жастағы тұрғынын күдікті ретінде ұстады. Ол букмекерлік кеңселердің бірінде үнемі ақшаны ұтысқа тігетінін түсіндіріп, бұл ретте де сәтсіздікке ұшырағанын мойындады. Жинақталған қарызды өтеу үшін жәбірленушіден 1 млн 700 мың теңге қарыз алып, айтарлықтай ұтысқа сенген. Кейіннен оқиға орнынан жасырынып, жәбірленушіге тиесілі 14 млн теңгені тауып алған. Ол барлық ақшаны тағы да ұтысқа тіккен.

Қазіргі уақытта қылмыстық іс қозғалды, тергеу жүргізілуде. Күдіктіге қатысты қамауға алу түріндегі бұлтартпау шарасы тағайындалды.