Лондонда кісі өлтірді деген күдікке ілінген қазақстандықтың соты өтеді

Лондонда кісі өлтірді деген күдікке ілінген қазақстандықтың соты жақын арада өтеді. Бұл туралы СІМ реми өкілі Айбек Смадияров айтты, деп хабарлайды BAQ.KZ тілшісі.

10 мамырда Лондон қаласының полициясы Қазақстанның Ұлыбританиядағы елшілігіне адам өлтірді деген күдікпен Қазақстан азаматтары ұсталғаны туралы хабарлады. Қазіргі таңда анықталған ақпарат бойынша олар ерлі-зайыпты кісілер. Әйелі босатылды. Бірақ күйеуі қамауда, тергеуде отыр. Жақын арада соты болады деп күтіліп отыр, - деді СІМ ресми өкілі.

Смадияров министрлік адвокат тауып бергенін айтып, ведомство Қазақстандағы туған-туыстарымен байланыста екенін жеткізді.

Күдікті қарапайым азамат, - деді Айбек Смадияров.

Оның айтуынша, оқиғаның неден туындағаны тек полицияға мәлім.