Локдаун жариялау коронавируспен күресте тиімді шара емес – ДДСҰ

Нұр-Сұлтан, BAQ.KZ. Жаңадан локдаун жариялап, мектептерді жабу коронавируспен күресте тиімді шара емес. Бұл – Дүниежүзілік денсаулық сақтау ұйымының Еуропадағы аймақтық бюросының директоры Ханс Клугенің пікірі, деп жазды Хабар24.

Клугеннің айтуынша, соңғы аптада Еуроодақ елдерінде 29 мыңнан астам адам инфекцияның құрбаны болған. Соған қарамастан бастауыш мектептерді жауып тастаудың еш қажеті жоқ. Бюро директоры оқушылардың бұрынғыша оқи беруіне болады деп санайды. 

Өйткені балалар мен жасөспірімдер мектептерде коронавирус таратпайды, – деді Ханс Клуге. 

Тіпті ол локдауннан бас тартуға болады дегенді де алға тартты. 

Локдауннан да басқа амал бар. Оны шарасыз қалған жағдайда енгізу керек деп ойлаймын. Ал маска тағу панацея емес, оны басқа шаралармен бірге қолдану керек. Дей тұрғанмен, бетперде кию көрсеткіші 95% болса, локдаунның қажеттілігі де болмайды, - деді Дүниежүзілік денсаулық сақтау ұйымының еуропадағы аймақтық бюросының директоры Ханс Клуге.