Ливияда 2,5 тонна уран жоғалып кетті

Оны Магатэ инспекторлары елдегі полигондардың бірін тексеру кезінде анықтаған, деп хабарлайды BAQ.KZ «Хабар 24»-ке сілтеме жасап.

Атом энергетикасы жөніндегі халықаралық агенттік басшысының айтуынша, Ливия билігі ядролық заттың жоғалғаны туралы ақпарды әуелден айтпай келген. Енді аталған агенттік осы оқиға бойынша тергеу ісін бастамақ.

Инспекторлардың айтуынша, жағдай алаңдатарлық. Өйткені ядролық қауіпсіздікке қатер төнуі мүмкін.