Әлеуметтік желіде төтенше жағдай режимін ұзарту туралы жалған ақпарат тарады

Нұр-Сұлтан, BAQ.KZ. Әлеуметтік желілерде төтенше жағдай режимін 24 шілдеге дейін ұзарту туралы ролик таратылып жатыр, деп хабарлайды coronavirus2020.kz.

Әлеуметтік желіде "Хабар24" эфирінде өткен сюжеттің үзіндісі алынып, жалған ақпарат таратылып жатыр. Сюжетте Франциядағы коронавирус жағдайына байланысты карантин мерзімі ұзартылатыны хабарланған болатын. Әдейі қысқартылып алынған сюжетте ақпараттың мазмұны өзгертілген, - делінген ақпаратта.

Естеріңізге сала кетейік, Қазақстан Республикасының заңнамасымен жалған ақпаратты таратқаны үшін жауапкершілік қарастырылған.