Қызылордада қауын-қарбыз тиелген жүк көлігі жанып кетті

Нұр-Сұлтан, BAQ.KZ. Қызылорда облысында бақша өнімдерін тиеген жүк көлігі толығымен жанып кетті, деп хабарлады ҚазАқпарат.

Оқиға Жаңақорған ауданы орталығына жақын тұстағы Самара-Шымкент тас жолының бойында болды. Қауын-қарбыз тиеген «Газель» маркалы автокөлік құжаттармен бірге толық жанып кеткен. Оқиға орнында N14 өрт бөлімінен 4 қызметкер мен 1 автокөлік барды. 

Сала мамандарының күшімен өрт толықтай сөндірілді. Қаза болғандар мен зардап шеккендер жоқ. 

Еске салсақ, бұдан бұрын Қызылордада газ баллоны жарылып, екі адамды күйік шалды. Оқиға барысында үйдің иесі 55 жастағы әйел адамның денесінің 80 пайызын, алты жасар қыз баланың денесінің 50 пайызын күйік шалған.