Қырғызстан Президентінің міндетін атқарушы Жапаров отставкаға кетеді

Нұр-Сұлтан, BAQ.KZ. Премьер-министр Садыр Жапаров президенттік сайлауға қатысады. Бұл туралы ол Кочкор ауданына жұмыс сапары кезінде мәлімдеді, деп хабарлады 24.kg.

Оның айтуынша, ол желтоқсан айының басында президент сайлауына қатысу үшін Мемлекет басшысының міндетін атқарушы ретінде қызметінен кетеді.

Мен сайлауға басқалармен қатар барамын. Егер мені таңдаса, мен Президент боламын, егер жоқ болса, жоқ, – деді Садыр Жапаров.

Еске сала кетсек, осыған дейін Қырғызстан Президентінің мерзімінен бұрын сайлауы 2021 жылдың 10 қаңтарына жоспарланғаны туралы хабарлаған болатынбыз.