КВИ-ге қарсы вакцина алған шетелдіктер үшін Канада шекаралары ашық

Нұр-Сұлтан, BAQ.KZ. COVID-19 вирусына қарсы вакцинацияланған шетелдіктерге Канада шекаралары ашық. 

Бұл туралы COVID-19 таралуына жол бермеу жөніндегі ВАК хабарлады.

Ел Үкіметі коронавирусқа қарсы вакцинацияның толық курсынан өткен азаматтарға кіру жеңілдіктері туралы шешім қабылдады. 

Біз америкалық Pfizer, Moderna, Johnson & Johnson компаниялары мен британиялық-шведтік AstraZeneca фирмасының препараттарымен вакцинацияланғандар туралы айтып отырмыз. Вакцинация паспортынан басқа, туристер 72 сағаттан кешіктірмей теріс нәтижелі тест анықтамасын ұсынуы керек, - делінген таратылған ақпаратта.

Сонымен бірге Үндістан мен Мароккодан келген жолаушыларға елге кіруге тыйым салынады.

Ал Болгария Үкіметі COVID-19 ауруының өсуіне байланысты елде жаңа шектеулер енгізді. Карантин шаралары қазан айының соңына дейін қолданылады. 

Бүгіннен бастап елде кез келген бұқаралық іс-шараларды өткізуге тыйым салынады. Балалардың ойын-сауық орталықтары мен клубтары жұмыс істемейді. Үй-жайлардағы спорттық жарыстар көрермендерсіз өткізілетін болады. Тамақтану орындарына тек 23:00-ге дейін жұмыс істеуге рұқсат етіледі. 

Түнгі клубтар мен дискотекалар жұмысын тоқтатады. Кинотеатрларда, театрларда және концерт залдарында толымдылығы 50%-ға ғана рұқсат етіледі. Жұмыс берушілерге қызметкерлердің жартысын қашықтан жұмыс режиміне ауыстыру ұсынылды.