Күрес түрлерінен ӘЧ-2024: Оңдасын Хамитов қола медаль иеленді
Понтеведреде (Испания) өтіп жатқан күрес түрлерінен 20 жасқа дейінгі спортшылар арасындағы Әлем чемпионатында Қазақстан қоржыны тағы бір қола медальмен толықты, деп хабарлайды BAQ.KZ.
Ұлттық Олимпиада комитетінің хабарлауынша, грек-рим күресінен 60 келі салмақта сынға түскен Оңдасын Хамитов Әлем чемпионатының қола жүлдегері атанды. Медаль үшін өткен белдесуде Оңдасын жапониядық Кохау Каназаваны 9:0 есебімен таза ұтты.
Чемпионат аясында қазақстандық балуан Қырғызстан, Мексика және Венгрия балуандарын жеңіп, жартылай финалда түркиялық қарсыласынан 8:9 есебімен ғана жол берген болатын.
Айта кетелік, кешегі жарыс күнінде Айбек Айтбеков (55 келі) пен Темірлан Тұрдақын (87 келі) қола медаль еншілеген болатын.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Синоптиктер еліміздің 16 өңірінде дауылды ескерту жариялады
Келесі жаңалық
Полиция бүкіл ел бойынша күшейтілген режимге көшті
Өзгелердің жаңалығы