Күніне 1 млн теңге тапқан. Алматыда "қалта ұрылары" сотталды

Алматыда «қалта ұрылары» ҰҚТ сотталды, деп хабарлайды BAQ.KZ.

Алматыда прокурорлар «қалта ұрылары» ұйымдасқан қылмыстық тобының қызметіне тосқауыл болды.

Прокуратураның үйлестіруімен сотқа дейінгі тергеп-тексеру жүргізіліп, ҰҚТ-ның көшбасшысы мен 11 мүшесі, өткен жылдың қараша айынан бері қоғамдық көлікте торуылдап, азаматтардың құнды заттарын ұрлағаны анықталды. Орташа есеппен, қаскүнемдердің күнделікті қылмыстық табысы шамамен миллион теңге болған, - делінген хабарламада.

Сот үкімімен қылмыстық топтың 9 мүшесі ұзақ мерзімге бас бостандығынан айыруға сотталды.

ҰҚТ-ның екі қатысушысына іздеу жарияланып, оларға қатысты жеке тергеп-тексеру жүргізілуде.

Қадағалау органы азаматтарды қырағы болуға және сақтық танытуға шақырады.