Күнбағыс майы ең қымбат өңірлер белгілі болды

Күнбағыс майы ең қымбат өңірлер белгілі болды, деп хабарлайды BAQ.KZ.

Күнбағыс майы өндірісі бір жылда 62% артты. Негізгі өсім тазартылмаған май сегментіне тиесілі.

Energyprom-ның дерегінше, баға бір жылда 17% өсіп кеткен.

2022 жылғы қаңтар–желтоқсанда күнбағыс майы өндірісі 537,1 мың тонна, бұл 2021 жылдың сәйкес кезеңімен салыстырғанда бірден 62,2% артық.

Мұндай айтарлықтай өсім тазартылмаған күнбағыс майы өндірісінің бір жылда 2,1 есе, 376,7 мың тоннаға дейін көбеюі есебінен болып отыр. Тазартылған күнбағыс майының өндірісі бір жылда 8,7% ғана өсіп, 160,4 мың тонна.

2022 жылдың қаңтар–қазан айларының қорытындысы бойынша жергілікті компаниялар күнбағыс майына сұранысты (ішкі нарықтағы сату және экспорт) 81,5% қамтамасыз етті. Осы кезеңде өнім көлемі 389,9 мың тоннаға жетіп, 2021 жылғы қаңтар–қазанмен салыстырғанда 47,1% көбейді, импорт та бір жылда 28% өсіп 88,6 мың тонна.

Күнбағыс майының экспорты бірден 2,5 есе өсіп, 187,5 мың тоннаға жетті (ресурстардың 40%-ға жуығы). Бұл ретте ішкі нарықтағы сатылым 12% ғана өсіп, 291,1 мың тонна.

2022 жылдың желтоқсан айының соңында күнбағыс майы бір айда 0,4%, бір жылда 17,1% қымбаттады. 2021 жылдың желтоқсан айында сектордағы бағаның бір айдағы өсімі 0,1%, жылдық өсім 30,1% болған.

Өңірлер бойынша күнбағыс майы бағасының бір жылдық қымбаттауы Солтүстік Қазақстан облысында 10%-дан Қарағанды облысында 25,1%-ға дейін ауытқиды. Бағаның айтарлықтай өсуі сондай-ақ Алматыда (23,4%) және Ұлытау облысында (22,1%) байқалды.

2022 жылғы желтоқсанда күнбағыс майының орташа бөлшек сауда бағасы литріне 910 теңге.

Күнбағыс майы ең қымбат өңірлер Қонаев пен Жезқазған қалалары: тиісінше 1024 және 1003 теңге. Ең арзан қала Семей мен Өскемен: тиісінше 777 және 783 теңге.