Криштиану Роналду рекордын жаңартты

Португалия құрамасы мен саудиялық «Аль-Наср» клубының шабуылшысы Криштиану Роналду баспен соғылған гол саны тұрғысында рекорд орнатты, деп хабарлайды BAQ.KZ.

Chamhion.com сайтының жазуынша, араб чемпиондары клубтары кубогының ресми топтық кезеңіндегі «Монастир» командасына қарсы ойында (4:1) гол соққан.

Осылайша ресми матчта баспен 145-гол соққан Криштиану Роналду кезекті рекордын жасады. Оған дейін үздік көрсеткіш 144 гол соққан неміс шабуылшысы Герд Мюллерге тиесілі болған екен. 

Ал үшінші орында 125 рет гол соққан испаниялық Карлос Сантильян болды.

Роналду алты айдан бері Сауд Арабиясының чемпионатында өнер көрсетіп келеді және жаздың үлкен трансферлерінен кейін лиганың ең көп жалақы алатын ойыншысы болған. 2 қаңтарда ол "әл-Насрдың" ойыншысы болды, келісімшарт бойынша Роналду жылына 200 миллион еуро алады.

Аударған Саяжан Құдайберген