Коронавирус пен пневмониядан 19 адам көз жұмды

Нұр-Сұлтан, BAQ.KZ. Денсаулық сақтау министрлігінің баспасөз қызметі коронавирус инфекциясына шалдыққандар туралы 3 маусымдағы ақпаратты жариялады.

3 маусымдағы мәлімет бойынша, 24 995 адам коронавирус инфекциясынан (24 351 КВИ+ және 644 КВИ-) емделуде, олардың ішінде 9 468 пациент стационарда, 15 527 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

• 589 адамның жағдайы ауыр,
• 128 пациенттің жағдайы өте ауыр,
• 83 науқас ӨЖЖ аппаратында жатыр.

1 маусымда коронавирустық инфекция белгілері бар пневмонияның 91 жағдайы және 4 өлім жағдайы тіркелді. Оған қоса 24 адам емделіп шықты. 1 тамыздан барлығы: ауырғандар - 55477, 920 өлім жағдайы тіркелді, ал жазылып шыққандардың саны 51457-ге жетті.