Коронавирус: Павлодардағы науқастың жағдайы қанағаттанарлық

Нұр-Сұлтан, BAQ.KZ. Павлодар облысында коронавирус жұқтырған тағы бір жаңа жағдай анықталды.

Павлодар облысында КВИ жұқтырудың жаңа жағдайы 12 сәуір күні тіркелді. Инфекция 1979 жылы туылған Екібастұз тұрғынында анықталды. Ер адам Нұр-Сұлтан қаласынан келісімен үй карантиніне жіберілген. 10 сәуір күні Екібастұз қаласының №1 емханасының медициналық қызметкерлері бақылаудағы ер адамның жағдайын білгенде, одан дене қызуының көтерілуі, әлсіздік сияқты сырқат белгілерін анықтаған. Сол күні ер адам ШЖҚ "Екібастұз қалалық ауруханасы" КМК-нің уақытша бөлімшесіне жатқызылған. Қазір науқас жұқпалы аурулар госпиталінде. Оның жағдайы қанағаттанарлық, – делінген хабарламада.

Қарым-қатынас жасасқан тұлғалар анықталды, оларды оқшаулау бойынша жұмыстар жасалуда.

Бүгінге дейін Павлодар облысында КВИ ауруын жұқтырған 10 жағдай анықталды. Оның ішінде бір науқас сауығып шықты және біреуі көз жұмды.