Кореяда зауытта болған өрттен кейін қазақстандық жоғалып кетті

Оңтүстік Корея Республикасының Мэндон-мен қаласындағы кәсіпорында өрт болып, онда жұмыс істеген Қазақстан азаматы табылмай жатыр, деп хабарлайды BAQ.KZ.

Сыртқы істер министрлігі аталған оқиғаға байланысты түсінік берді

Оқыс оқиға 30 қаңтарда азық-түлік және сусындар өндіретін кәсіпорында өрт болды.

Өрттен кейін бірден 81 қызметкер эвакуацияланды. Алайда екі жұмысшының, оның ішінде Қазақстан азаматы табылмады, – дейді министрліктегілер.

Полиция мен өрт сөндіру бөлімінің хабарлауынша, 31 қаңтарда таңертең өртенген цехтың ішінен белгісіз дене табылған және тағы бір адам ұшты-күйлі жоқ.

Полиция мәйіттің кім екенін анықтау үшін Ұлттық ғылыми зерттеулер институтына жүгінген.

Министрліктің мәліметінше, Қазақстан елшілігі полициямен және өрт сөндіру қызметімен, сондай-ақ жоғалған Қазақстан азаматының туыстарымен байланыста және мәселені бақылауда ұстайды.