Колумбияда тасқын күшейді

Елдің оңтүстігінде ағын су үлкен бөгетті бұзып, ауыл шаруашылығы алқабын басып қалған, деп хабарлайды BAQ.KZ Хабар24-ке сілтеме жасап.

Толассыз құйған жаңбыр салдарынан Кавка өзені тасыды. Табиғи апаттан 40 мың адам зардап шеккен. Әсіресе шаруалар, балықшылар мен күріш өсірушілерге қиын. Олар биыл мүлде өнімсіз қалғанын айтады. 

Шығынға белшеден баттық. Күріш егіп, азын-аулақ табыс тауып отыр едік. Енді қалай күн көреміз? Үкімет үнсіз, олардан ешқандай қайыр болмайтын тәрізді. Тығырыққа тірелдік, - дейді жергілікті тұрғындар.