Көктайғақ, тұман, жел: Еліміздің 11 өңірінде дауылды ескерту жарияланды
16 қарашада 11 облыста қолайсыз ауа райына байланысты дауылды ескерту жарияланды, деп хабарлайды BAQ.KZ «Қазгидромет» РМК баспасөз қызметіне сілтеме жасай отырып.
Түнде және таңертең Қарағанды облысының оңтүстігінде тұман болады деп күтіледі. Күндіз облыстың солтүстігінде оңтүстіктен, оңтүстік-батыстан соққан желдің екпіні 18 м/с құрайды.
Күндіз Түркістан облысының тау асуларында оңтүстіктен, оңтүстік-батыстан 15-20 м/с жылдамдықпен жел соғады деп болжанады.
Абай облысының солтүстігінде, батысында, орталығында оңтүстік-шығыстан соққан желдің екпіні 15-20 м/с, кей тұста 25 м/с дейін жетеді. Семей қаласында оңтүстік-шығыстан соққан желдің екпіні 15-20 м/с болады деп күтіледі.
Қызылорда облысының батысында тұман болады деп күтіледі.
Ақмола облысының солтүстігінде, шығысында оңтүстік-батыстан, оңтүстіктен соққан желдің екпіні - 15-20 м/с.
Шығыс Қазақстан облысының солтүстігінде, оңтүстігінде, орталығында оңтүстік-шығыстан соққан желдің екпіні 15-20 м/с, кей тұста 25 м/с болады деп күтіледі.
Түнде Солтүстік Қазақстан облысының басым бөлігінде жауын-шашын (жаңбыр, қар) болады деп күтіледі. Облыстың батысында тұман, көктайғақ болуы ықтимал. Облыстың батысында, шығысында оңтүстік-батыстан соққан желдің екпіні - 15-20 м/с.
Түнде және таңертең Қостанай облысының солтүстігінде, шығысында тұман, көктайғақ болады деп күтіледі. Түнде облыстың шығысында оңтүстік-батыстан, батыстан соққан желдің екпіні - 15-20 м/с.
Түнде Ақтөбе облысының солтүстігінде көктайғақ болады деп күтіледі. Облыстың орталығында, оңтүстігінде тұман түсуі ықтимал.
Маңғыстау облысының солтүстік-шығысында, оңтүстігінде тұман болады деп күтіледі. Күндіз облыстың оңтүстік-батысында оңтүстік-шығыстан, оңтүстіктен соққан желдің екпіні - 15-20 м/с.
Күндіз Жамбыл облысының таулы аудандарында қатты жауын-шашын (жаңбыр, қар) болады деп күтіледі. 16-18 қарашада облыстың оңтүстігінде, таулы аймақтарында тұман болуы мүмкін. 16-18 қарашада өңірдің оңтүстік батысында, солтүстік-шығысында, таулы аудандарында оңтүстік-шығыстан оңтүстік-батысқа ойыса соққан желдің екпіні 15-20 м/с құрайды, күндіз 16 қарашада соққан желдің екпіні 23 м/с дейін жетеді. Сондай-ақ 18 қарашада жел екпіні 23-28 м/с дейін жетеді. Тараз қаласында 16-18 қарашада тұман болады деп күтіледі. 16-18 қарашада қалада оңтүстік-шығыстан оңтүстік-батысқа ойыса соққан желдің екпіні 15-20 м/с, 18 қарашада кей тұста 25 м/с дейін жетеді.