Көкшетаудың тергеу изоляторында ашық есік күні өтті

Нұр-Сұлтан, BAQ.KZ. Көкшетаудың тергеу изоляторында ашық есік күні өтті, деп хабарлайды Polisia.kz.

 8 наурыз қарсаңында Көкшетау қаласының тергеу изоляторында ашық есік күні ұйымдастырылды.

Аналар, әйелдер, әпкелер туыстарымен кездесуге мүмкіндік алды. Мекеме қызметкерлері жұмыспен қамту орталығының маманын шақырып, босатылғаннан кейін адамдар тап болуы мүмкін кейбір тұстарды қала тұрғындарына түсіндірді. Сондай-ақ, орталық өкілі кәсіпкерлікті дамытудың 2021-2025 жылдарға арналған бағдарламасы туралы айтып берді.

Туыстарымен және сотталғандармен әңгімелесу барысында орталық маманы кездесуге қатысушыларды қызықтырған тақырыптар мен бағыттарды түсіндірді. Сотталғандар туыстарымен кездесуді көптен күтті. Халықаралық әйелдер күні қарсаңында сотталғандар туыстарына ашық хаттар дайындады.