Көкшетауда бірнеше көшені су басты

Еріген қар суы жеке сектордағы үйлердің ауласы мен жертөлесіне дейін кірген, деп хабарлайды BAQ.KZ «Хабар 24»-ке сілтеме жасап.

Әсіресе, қала шетіндегі шағын аудандардағы жағдай тіптен қиын. Көшедегі ағыннан жергілікті тұрғындар аяқ алып жүре алмайды. Жалпы, қаладағы тасқын қауіпсіздігіне бір кәсіпорын жауапты. Шағын шаһардың өзіне жүзге жуық техника жұмылдырылған. Бұдан бөлек, жергілікті құтқарушылар да күн-түн демей, еріген қар суымен күресіп жатыр.

Күннің күрт жылынуына байланысты қаладағы бірнеше шағын ауданда осындай жағдай тіркелді. Құтқарушылар мен атқарушы компания өкілдері қызу жұмыс істеп жатыр. Қазір жеке сектордағы қалған қарды шығарып, арықтарды тазалап жатырмыз. Әзірге көшелерді су шайғанмен, үйлерді су басу дерегі тіркелген жоқ. Қатаң бақылауда ұстап отырмыз, – деді қалалық Төтенше жағдайлар басқармасының бастығы Максим Шатковский.