Көкшетауда Artsport және DamuBala бағдарламаларына бөлінген қаржыны жымқырған

Прокуратура мүгедек балаларға арналған қаражаттың жымқырылғанын анықтады, деп хабарлайды BAQ.KZ.

Ақмола облысының прокуратурасының мәліметінше, Көкшетау қаласының прокуратурасы "Artsport" және "DamuBala" бағдарламалары аясында балаларға, соның ішінде мүмкіндігі шектеулі балаларға арналған спорт секцияларына бөлінген бюджет қаражатын жымқырудың қылмыстық схемаларын анықтады.

Атап айтқанда, Көкшетау қаласы бойынша мемлекеттік тапсырыстарды жеткізушілердің бірі секцияларға мүлдем қатыспаған балаларға орындалған жұмыстардың актілерін ұсынған, - делінген хабарламада.

Осыған орай, қала прокуратурасы алаяқтық фактісі бойынша қылмыстық іс қозғап, сотқа дейінгі тергеу жүргізілуде.