Үкімет пен әкімдер қоғам пікірімен тиісті деңгейде жұмыс істей алмай отыр – Тоқаев

Нұр-Сұлтан, BAQ.KZ тілшісі. Бұл туралы бүгін Ақорданың Тwitter-дегі ресми парақшасында жазылды.

Үкіметтің және әкімдердің қабылданған шараларды түсіндіруінде олқылықтар бар. Олардың қоғам пікірімен тиісті деңгейде жұмыс істей алмай отырғаны байқалды, - деді Мемлекет басшысы Үкіметтің кеңейтілген отырысында.

Президент, сонымен қатар, дәрігерлердің денсаулығын сақтау өте маңызды екенін айтты.

Дәрігерлеріміздің денсаулығын сақтау, олардың жұмысқа қабілеттілігі мен ынтасын арттыру – өте маңызды. Беделді дәрігерлер телемедицина, телеарна және әлеуметтік желі арқылы емделудің дұрыс жолдарын үйретіп, жүйелі түрде түсіндіруі қажет. Олай болмаған жағдайда, дүмбілез, алаяқ емшілердің күмәнді кеңестері халықтың денсаулығына кесел келтіреді, - деді ол.