"Kids EXPO. Балалар әлемі" жәрмеңкесінің ашылуына 10 мыңға жуық адам келді
EXPO халықаралық көрме орталығының алаңында балалар тауарларының "KIDS EXPO. Балалар әлемі" бірінші қалалық көрме-жәрмеңкесі ашылды. Бірінші күні іс-шараға 10 мыңға жуық адам қатысты, деп хабарлайды BAQ.KZ қала әкімдігінің ресми сайты.
KIDS EXPO. Балалар әлемі" жәрмеңкесі EXPO Халықаралық көрме орталығында 17-21 тамыз аралығында сағат 12:00-ден 21:00-ге дейін өтеді. Кіру тегін.
Шараны елорда әкімдігінің қолдауымен "QazExpoCongress" ұлттық компаниясы ұйымдастырды.
«Kids EXPO. Балалар әлемі " – бұл кітап, кеңсе, тоқыма, білім беру және ойын-сауық индустриясы, балалар мен олардың ата-аналарына арналған тауарлар мен қызметтер өкілдерін бір алаңда біріктіруге мүмкіндік берген алғашқы ірі қалалық жоба.
Көрменің негізгі бағыты-білім беру, хобби, демалыс, балалар мәдениеті (журналдар, кітаптар және музыка), ойындар әлемі (ойыншықтар, ойындар және қолөнер), балалар сәні мен киімдері, керек-жарақтар мен аксессуарлар және тағы басқалар.
5 күн ішінде жергілікті тауар өндірушілердің, компаниялар мен ірі брендтердің 100-ге жуық қатысушысы өз өнімдерін ең қолайлы бағамен ұсынады.
Жәрмеңкеге Marwin, Abdi, FasTracKids, Utaria, CAES, Роботек, Foliant, "Алматы кітап" басылымдары және басқа да ірі брендтер қатысады.
Жәрмеңке ашылған күні көрме орталығының алаңында "Астана" эстрадалық-симфониялық оркестрінің, би ұжымдарының, "Вайнах" ансамблінің өнер көрсетуі, дерексіз кескіндеме, ұлттық ойындар (асық ату, тоғызқұмалақ) бойынша шеберлік сыныптары, сондай-ақ Қазақстан құрамасының ойыншысы және "Астана" баскетбол клубының кәсіби шеберлік форварды Руслан Айтқалидың баскетболдан шеберлік сыныбы өтті.
Қосымша ақпарат пен қызықтыратын сұрақтарға жауаптарды qazexpocongress.kz сайтынан және "QazExpoCongress" ҰК" АҚ-ның Facebook және Instagram-дағы ресми аккаунттарынан алуға болады.