ХҚКО-да табысқан жұптар

Алматы, BAQ.KZ. «Азаматтарға арналған үкімет» мемлекеттік корпорациясы көптеген жастың махаббатының куәсі болып, қазақстандық жас отбасылар қатарын көбейтуге өз үлесін қосып келе жатқан мекеме.

Оған дәлел, жыл сайын Алматы филиалының өзінде 25-30 отбасы құрылып жатады. Осы жылы да махаббаттың құдірет күшімен жұп болып, отау тігіп жатқандар бар.

Алматы қаласы филиалының өзінде, оның барлық ауданындағы фронт-офистер мен бэк-офистерінде, мамандандырылған ХҚКО-ларында  2 мыңға жуық мамандар жұмыс істейді. Оның 70 проценті жастар. Жоғары оқу орнындары мен колледждерден мамандық алған жастар, еңбек жолын ХҚКО-ларда бастап жатады. Әрине, отбасылық өмірлері де осы жерден басталатындар аз емес. Осы күнге дейін филиал 100-ге жуық отбасының тұсауын кесті, - дейді филиал директоры Данияр Қырықбаев.

Бақытын «Азаматтарға арналған үкіметтен» тапқан сондай жұптардың бірі - Ғүнари Матсуба мен Ләззат Башкеева. Олар ХҚКО-да жұмыс істегендеріне 10 жылға жуықтады. Осы жылдар ішінде бір-біріне деген махаббаты мен сенімі нықталған жастар, шаңырақ көтеріп, отау құрды.

Жастарға махаббаттарың мәңгілік, бақыттарың баянды болсын дейміз! Әлемді жайлап жатқан індет орнын, махаббат, сүйіспеншілік сынды асқақ сезімдер жайласын!, - делінген хабарламада.