Хакерлер Toyota компаниясының серверін бұзды

Алматы, BAQ.KZ. Жапондық Toyota корпорациясы хакерлер серверді бұзғанын және 3,1 млн клиенттің жеке дерегі ұрлануы мүмкін екенін мәлімдеді. Бұл туралы vedomosti.ru сайты хабарлайды.

Қаскөйлердің әрекетінен дилерлік компаниялар зардап шеккен. Фирма өкілдері бас офиске өз серверлеріне кіре алмағандықтарын жеткізген.

Жапондық корпорацияның айтуынша, ұрланған мәліметте несиелік карта жөніндегі деректер болмаған. Тұтынушылар мәліметінің таралуы туралы жағдай әлі болмаған.

Toyota компаниясының өкілдері қазір тергеу жүргізіп жатыр. Атокөлік өндіруші Тoyota және Lexus көлік иелері алдында кешірім сұрады. Сондай-ақ, компания ақпараттық қауіпсіздік деңгейін жоғарылату тұрғысында жаңа технологияларды енгізуге уәде берді.